თეთრი სახლის განცხადებით, ამერიკის პრეზიდენტმა ჯო ბაიდენმა ლენდ-ლიზის კანონს ხელი მოაწერა.
ამის შესახებ აშშ-ს პრეზიდენტმა რამდენიმე დღის წინ განაცხადა და აღნიშნა, რომ ის კანონს ხელს სწორედ 9 მაისს, “გამარჯვების დღეს” მოაწერდა და მოაწერა კიდეც.
ცნობისთვის, 29 აპრილს, აშშ-ის კონგრესმა ე.წ. ლენდ-ლიზის პროგრამა დაამტკიცა, რომელიც ვაშინგტონს საშუალებას აძლევს, უკრაინას შეიარაღება უფრო სწრაფად და ეფექტური გზით გადასცეს
აშშ-ის კონგრესმა ე.წ. ლენდ-ლიზის პროგრამა დაამტკიცა. კანონს მხარი დაუჭირა 417-მა კანონმდებელმა, წინააღმდეგი იყო – 10.
ე.წ. ლენდ-ლიზის პროგრამა ბოლოს აშშ-მა მეორე მსოფლიო ომის დროს აამოქმედა.
ახლა კანონი საშუალებას მისცემს ვაშინგტონს, უკრაინას შეიარაღება უფრო სწრაფად და ეფექტური გზით გადასცეს.
შემცირდება ბიუროკრატიული ბარიერებიც.
ეს კანონი იძლევა საშუალებას, რომ აშშ-მა უკრაინას შეიარაღება და აღჭურვილობა დე ფაქტო საჩუქრად გადასცეს, გადახდა კი კიევს მოგვიანებით მოუწევს.
