გუშინ გუდაურში უბედურება დატრიალდა. ვერტმფრენი კლდეს შეეჯახა და აფეთქდა. ბორტზე 8 ადამიანი იმყოფებოდა. სამწუხაროდ ყველა გარდაიცვალა. გარდაცვლილებს შორის ყველაზე ახალგაზრდა 25 წლის ანდრო ქუჯოშვილი იყო.
ვერტმფრენის ბორტზე იმყოფებოდნენ: მაშველები – კახა ტორჩინავა, გიორგი მარგიანი; მფრინავები – ანდრო ქუჯოშვილი, ლევან ჩოხელი, ზაზა ლორია, დიმა ქააძე; სასწრაფოს დახმარების ექიმები – ქეთი გულაგაშვილი, გიორგი ვენეცკი.
25 წლის ანდრო ქუჯოშვილი როგორც ინფორმაცია ვრცელდება დამწყები პილოტი იყო. და როგორც ახლობლები ამბობენ, წინ დიდი მომავალი ჰქონდა.
“წავიდა სხვების გადასარჩენად… ამაყი მშობლები ეყოლებოდა… ახლა სხეულიც არ აქვთ, ალბათ, რომ გულში ჩაიკრან! რატომ? თუ ეს ვერტმფრენის გაუმართაობის გამოა, ხვდებით რა უნდა მოხდეს? ვინ გაიგებს?” – წერს ახალგაზრდა გარდაცვლილი პილოტის ახლობელი.
