“ეს კი არ უნდა გიკვირდეთ, პირიქით…“ – ნახეთ რას წერს გურამ შეროზიას დედა

გურამ შეროზიას დედა სოციალურ ქსელში „პრაიმ ჰაუსში“ მიმდინარე მოვლენებს გამოეხმაურა.

ამბობს, რომ სიტყვიერი შეურაცხყოფისა და ყვირილის მიმართ წინააღმდეგობა მისი ბუნებრივი თვისებაა და არა სიყალბე.

“რა უცნაურია, როცა ხალხს ზრდილობა და თავშეკავება უკვირთ და ეს სიყალბე და კამერებთან თამაში ჰგონიათ. მე ასეთი შვილი გავზარდე და რასაც ეკრანზე ხედავთ ეს კი არ უნდა გიკვირდეთ, პირიქით, ეს უნდა იყოს ნორმა, და აგრესია გიკვირდეთ. მისი ხათრით არ ვეხმაურები კომენტარებს, თორემ მინდა სათითაოდ ვუპასუხო. ადამიანი თუ არ იგინება და არ ყვირის ეს არ ნიშნავს, რომ თამაშობს, ეს ნიშნავს, რომ კარგად არის გაზრდილი, ნაკითხი და შეგნება აქვს. მისი ხმამაღალი ხმა არ გაგვიგია ბავშვობიდან, არც სწავლაზე დაგვჭირვებია დაძალება, არც ქუჩაში მდგარა და ყველას მიმართ მეგობრული იყო სულ. წარმატებებს გისურვებთ ყველა მონაწილეს და ერთმანეთის თვალებში ჩახედვა ყოველთვის გაგხარებოდეთ პროექტის შემდეგაც.”