საქართველოს ნაკრების ფეხბურთელმა გიორგი ჩაკვეტაძემ “უოტფორდის” ოფიციალურ გვერდს ინტერვიუ მისცა, სადაც ჟურნალისტის განცხადებით, უეინ რუნიმ გიორგი ინგლისის ჩემპიონშიპის საუკეთესო ფეხბურთელად დაასახელა.
აღნიშნულზე თავად ჩაკვემაც გააკეთა კომენტარი :
„ძალიან ამაყი და გახარებული ვიყავი. რუნის მონაწილეობით, უამრავი თამაში მინახავს. ის შესანიშნავი ფეხბურთელი და ნამდვილი ლეგენდაა და როცა მისი დონის მოთამაშე შენზე რაღაც ასეთს ამბობს, რა თქმა უნდა, ამას მოტივაციად იღებ“.
„მატჩის შემდეგ დამელაპარაკა და მითხრა, რომ ჩემი სათამაშო სტილი ძალიან მოსწონს და წარმატება მისურვა. მასთან საუბრის შემდეგ მივხვდი, რომ მოედნის მიღმაც ძალიან კარგი ადამიანია“. – ამბობს ჩაკვეტაძე რუნის შესახებ, რომელიც ამჟამად ჩემპიონშიპის გუნდს “პლიმუთს” წვრთნის.
