ევროკომისიის ლიდერი ევროკავშირის წევრ ქვეყნებს მოუწოდებს, უკრაინას სასწრაფოდ მიაწოდონ იარაღი, რადგან მხოლოდ ამით გადარჩება უკრაინა

ევროკომისიის ლიდერი ევროკავშირის წევრ ქვეყნებს მოუწოდებს, უკრაინას სასწრაფოდ მიაწოდონ იარაღი, რადგან მხოლოდ ამით გადარჩება უკრაინა

ევროკომისიის პრეზიდენტი, ურსულა ფონ დერ ლაიენი ევროკავშირის წევრ ქვეყნებს მოუწოდებს, უკრაინას სასწრაფოდ მიაწოდონ იარაღი, – ამის შესახებ BBC წერს.

„მათ, ვისაც უკრაინისთვის იარაღის სწრაფად მიწოდება შეუძლიათ, ეს უნდა გააკეთონ, რადგან მხოლოდ ამ გზით შეიძლება, გადარჩეს უკრაინა რუსეთის წინააღმდეგ მწვავე თავდაცვით ბრძოლაში“, – აცხადებს ურსულა ფონ დერ ლაიენი.

ევროკომისიის ლიდერმა მოუწოდა ევროპელ ლიდერებს, არ გადადონ გადაწყვეტილებების მიღება იარაღის „კატეგორიათა შორის სხვაობის გამო“.

„მე არ განვასხვავებ მძიმე და მსუბუქ იარაღს,” – თქვა მან და დასძინა, რომ უკრაინამ უნდა მიიღოს ყველაფერი, რაც მას სჭირდება თავის დასაცავად და რისი გაკეთებაც შესაძლებელია.

Leave a Comment

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *