რუსეთის პრეზიდენტის ვლადიმერ პუტინის ჯანმრთელობის მდგომარეობის შესახებ, მედიაში სპეკულაციების ახალი ტალღა აგორდა. ამჯერად პუტინის ხელებმა მიიქცია ყურადღება, რომელიც უჩვეულოდ გამოიყურებოდა და “შეშუპებული” ჩანდა.
“პუტინის ხელებს რაღაც სჭირს“, – განუცხადა East2West-ს უკრაინის შინაგან საქმეთა სამინისტროს ყოფილმა მრჩეველმა ანტონ გერაშენკომ.
პუტინის ხელები განხილვის საგანი უკრაინის ომის პირველ წელსაც გახდა, როდესაც თავდაცვის მინისტრთან შეხვედრისას რუსეთის ლიდერის ხელებზე შავი ლაქები შენიშნეს,
სხვა ფოტოებზე კი მრავალი ინტრავენური ლაქის კვალი ჩანდა. გარდა ამისა, ხშირად, საუბრის დროს, პრეზიდენტი მაგიდას ეჭიდება და ხელები უკანკალებს, რაც ბევრის აზრით, პარკინსონის დაავადების კიდევ ერთი დასტურია.კრემლს პუტინის ჯანმრთელობის შესახებ გავრცელებული ინფორმაცია არ დაუდასტურებია.
ადრე გავრცელებული ინფორმაციის თანახმად, რუსეთის ლიდერს ძველი ავადმყოფობა – სარკომა (ძვლის ავთვისებიანი სიმსივნე) გაუმწვავდა. როგორც “New York Post”-ი აღნიშნავდა, პუტინს 84 წლის გერმანელი ექიმი მკურნალობს, რომელსაც რუსეთის პრეზიდენტი სახელმწიფო უშიშროების კომიტეტში მუშაობის დროიდან იცნობს.
რუსეთის ლიდერი ერთადერთი არ არის, რომლის ჯანმრთელობის მდგომარეობასაც მედია ხელების მიხედვით განიხილავს. მიმდინარე წელს აშშ-ის პრეზიდენტის, დონალდ ტრამპის ხელებზე სილურჯეები შენიშნეს – თეთრი სახლში განაცხადეს, რომ ეს სილურჯეები “ხელის ხშირად ჩამორთმევით არის გამოწვეული.
