დიეგო მარადონა უმცროსი ნეაპოლში დაიბადა, ახლაც ამ ქალაქში ცხოვრობს და შესაბამისად ისიც დიდი გულშემატკივარია კლუბის, რომელიც მამამისთან ასოცირდება.
“კურიერი PS-“-სთან მარადონას შვილმა კვარას შესახებ ისტორია გაიხსენა.
„მახსოვს, როცა კვარა ნაპოლიში გადმოდიოდა მის შესახებ რამდენიმე თვით ადრე შევიტყვე. ერთხელ სპალეტიმ ვახშამზე მითხრა, რომ უძლიერესი ქართველი ფეხბურთელი შეიძინეს და მალე ვნახავდით რამხელა ამბავს დაატრიალებდა. მისი მხოლოდ ვიდეოები მქონდა ნანახი. პირველად კვარას თამაში კასტელ დი სანგროს შეკრებაზე ვნახე და ვთქვი ღმერთო ეს ვინ არის? უძლიერესია. რაც მაშინ ვიფიქრე იყო ის, რომ ხვიჩა გადამწყვეტი ფეხბურთელი იქნებოდა. ასეც აღმოჩნდა. ვფიქრობ, პერსპექტივაში მსოფლიოში საუკეთესო ფეხბურთელი გახდება და თუ ასე გააგრძელებს სამეულში შევა.
მესი და რონალდო ისტორიას 25 წლის განმავლობაში წერდნენ. მომავალი მბაპე, ჰალანდი და კვარა იქნებიან“, – ამბობს მარადონას შვილი.
