“როცა მისი იმედი აღარ ჰქონდათ და თითქოს ვარსკვლავი ჩამქრალი იყო, მაშინ აჩვენა თავისი კლასი და ყველას უთხრა – დაწყნარდით მე ისევ ის კვარა ვარ” – იტალიური მედია კვარაცხელიას შესახებ წერს

ერთ-ერთი ნეაპოლური სპორტული გამოცემა ხვიჩა კვარაცხელიას შესახებ წერს და მის ბოლოდროინდელ წარმატებას ეხმაურება.

“როცა მისი იმედი აღარ ჰქონდათ და თითქოს ვარსკვლავი ჩამქრალი იყო, მაშინ აჩვენა თავისი კლასი და ყველას უთხრა – დაწყნარდით მე ისევ ის კვარა ვარ. ქართველმა მნიშვნელოვან დროს მოუმატა და აუცილებლად უკეთესი თამაშები ექნება, ვიდრე სეზონის პირველ ნახევარში აჩვენა. ის ფენომენია და თავად შეუძლია პრობლემების გადაწყვეტა” – წერს გამოცემა.