იტალიური გამოცემა CalcioNapoli.it წერს, რომ სანამ ხვიჩა კვარაცხელია ნაპოლის შეუერთდებოდა, ფრანჩესკო კალცონამ ქართველის ტრანსფერში დიდი როლი ითამაშა.
ფაუზი გულამმა ინტერვიუ ჩაწერა, სადაც თქვა რომ 2021 წელს ნაპოლის ყოფილმა დირექტორმა ჯუნტოლიმ ფენომენალური ქართველი ნახაა კვარაცხელიას სახით. გუნდი ყოყმანობდა ხვიჩას შეძენას, რა დროსაც ფრანჩესკო კალცონამ თავისი აზრი დააფიქსირა, კვარას ნიჭიერი ფეხბურთელი უწოდა და ხელმძღვანელებს ხვიჩას ყიდვა ურჩია. კალცონა იმ პერიოდში ნაპოლიში მუშაობდა.
კალცონას სიტყვა გადამწყვეტი აღმოჩნდა და საბოლოოდ კვარა ნეაპოლის ვარსკვლავი გახდა.
